صفت ذاتی ( مذکر - واحد )
١ - ٹیڑھا، ترچھا، تیز، خشم آلود، چڑچڑا، دل خراش، تیز و تند (مزاح وغیرہ کے ساتھ)۔
"عورت ایسا تیکھا مزاج لے کر آئی ہے کہ دھرا جائے نہ اٹھایا جائے۔"
( ١٩٠٧ء، امہات الامہ، ١٥ )
٢ - تنک مزاج، نک چڑھا، زود رنج۔
تیکھے تو ہو یہ سچ کہو اس وقت کیا کرو گے تم کو گلے لگائے اگر کوئی پیار سے
( ١٨٤٤ء، مصحفی (فرہنگ آصفیہ) )
٣ - روشن؛ خوش نما، حسین، خوبصورت۔
"ہاں آپ اس سے زیادہ سندر ہیں، آپ کے چہرے کے نقش زیادہ تیکھے ہیں۔"
( ١٩٤٤ء، افسانچے، ٥٢ )
٤ - بانکا، ترچھا، طرحدار، شوخ، شریر، اچپل۔
رکھ کے جمدھر کو تجھے تیکھا بنایا ہم نے اکڑ چلنے کی وضع تجھ کو بتایا ہم نے
( ١٧٣٤ء، حشمت (دو نایاب زمانہ بیاضیں)، ٥٦ )
٥ - دل میں کھنبے، اثر کرنے وال، (سر یا آواز)۔ (فرہنگِ آصفیہ)۔
٦ - تلخ، تیتا، چرپرا؛ اچھا، چوکھا، عمدہ، تیز؛ نوکدار، نکیلا؛ دھار دار (فرہنگ آصفیہ)۔