تہجی

( تَہَجّی )
{ تَہَج + جی }
( عربی )

تفصیلات

ھجج  تَہَجّی

عربی زبان میں ثلاثی مجرد کے باب سے مشتق اسم ہے جو اردو میں اپنے اصل معنی اور ساخت کے ساتھ بطور اسم ہی استعمال ہوتا ہے۔ تحریراً سب سے پہلے ١٨٦١ء کو "دیوان ناظم" میں مستعمل ملتا ہے۔

اسم نکرہ ( مؤنث - واحد )
١ - ہجے کرنا، حروف مفردہ کو باہم ترکیب دے کر پڑھنا۔
 ہے یہ نفرت کہ جو لکھتے ہیں تہجی کے حروف چھوڑ دیتے ہیں وہ جو حرف میرے نام میں ہے      ( ١٨٦١ء، دیوان ناظم، ٢٠١ )
٢ - کسی زبان کے حروفِ مفردہ، حروف تہجی، حروف ہجا۔
"ہمارے حروف تہجی بنیادی طور پر صوتی ہیں۔"      ( ١٩٦٩ء، نفسیات کی بنیادیں، ٣٨٩ )
٣ - کسی کی ہجو کرنا۔ (فرہنگ عامرہ)