فوٹو گراف

( فوٹو گِراف )
{ فو (و مجہول) + ٹو (و مجہول) + گِراف }
( انگریزی )

تفصیلات

انگریزی زبان سے مرکبی شکل کے ساتھ اردو میں داخل ہوا جو فی الاصل دو انگریزی اسما 'فوٹو' اور 'گراف' کے بالترتیب ملنے سے متشکل ہوا۔ اردو میں بطور اسم استعمال ہوتا ہے تحریراً سب سے پہلے ١٨٦٩ء کو "مسافران لندن" میں مستعمل ملتا ہے۔

اسم نکرہ ( مذکر - واحد )
جمع استثنائی   : فوٹو گِرافْس [فو (و مجہول) + ٹو (و مجہول) + گِرافْس]
١ - فوٹو، عکسی تصویر، عکس، تصویر۔
"ایکس ریز کا فائدہ یہ ہے کہ ایسے پارسل کا ایکس ریز فوٹو گراف لینے سے اس کے اندر کی اصل اشیاء کا علم بڑی حد تک ہو جاتا ہے۔"      ( ١٩٧٠ء، جدید طبیعیات، ٢٧ )
٢ - عکسی تصویر کھینچنے کا آلہ، کیمرہ۔
"فوٹو گرافی میں وہ حکمت نکالی کہ سبحان اللہ ایک روپیہ دیجئے دم کے دم میں تصویر لیجیے۔"      ( ١٨٨٠ء، فسانۂ آزاد، ١٣٨:١ )
  • photograph