لرزانا

فارسی زبان سے ماخوذ مصدر 'لرزنا' کا تعدیہ ہے۔ اردو زبان میں بطور فعل استعمال ہوتا ہے۔ ١٨٧٠ء کو "دیوانِ مشرف" میں تحریراً مستعمل ملتا ہے۔

١ - ہلانا، جنبش دینا، حرکت دینا۔

"زلزلہ آئے گا، ایسا زلزلہ جو پوری دنیا کو مدتوں لرزاتا رہے گا۔" ( ١٩٨٥ء، اردو ڈائجسٹ، لاہور، فروری، ٨٩ )

٢ - کپلپا دینا، ہلا دینا؛ (مجازاً) خوف زدہ کر دینا۔

"مسلمان ایسے جوش و خروش سے ان تحریکوں میں شریک ہوئے کہ. جس نے ہندوستان کی زمین کو لرزا دیا تھا۔" ( ١٩٨٤ء، مقاصد و مسائل پاکستان، ١٠٤ )