حد بندی کرنا، احاطہ گھیرنا، روک لگانا۔ باڑ باندھے تھے جو ہرگام پہ لشکر کے جواں توڑ کر ان کو گیا دم میں یہاں سے یہ وہاں      ( ١٩٧٥ء، رواں واسطی، مرثیہ، ١٧۔ )

قطار کھڑی کر دینا، ٹٹی لگا دینا۔ صف مژگاں کا عالم سرٹ کی تحریر پر دیکھو کسی نے نشتروں کی باڑھ کیا باندھی خنجر پر      ( ١٨٥٨ء، امانت، دیواں، ٤٨ )

حدبندی کرنا، احاطہ گھیرنا۔"نہ کھیتی ہو سکتی ہے نہ باڑ لگائی جا سکتی ہے نہ گھاس اگ سکتی ہے"      ( ١٩٤٦ء، الف لیلہ و لیلہ، ٧:٥ )

حفاظت کا انتظام پہلے ہی سے کر لینا چاہیے۔ (ماخوذ: جامع اللغات، ٣٨٢:١)

جس طرح بڑے چھوٹوں کے کام آتے ہیں اس طرح چھوٹے بھی بڑوں کے کام آتے ہیں۔"رعیت بادشاہوں کی پشت و پناہ ہے، وہ کہاوت ہے کہ باڑ رکھے کھیت کو اور کھیت رکھے باڑ کو"      ( ١٨٢٤ء، سیرعشرت، ١٠٨ )

جب حفاظت کرنے والا ہی نقصان پر آمادہ ہو تو کس سے داد فریاد کی جائے۔ (ماخوذ: جامع اللغات، ٣٨٣:١)