ابدالدہر

عربی زبان سے مرکب اضافی ہے۔ دو الفاظ 'ابد' اور دہر سے مرکب ہے۔ 'ال' سے دونوں الفاظ کو ملایا گیا ہے۔

١ - ہستی کی انتہا یا آخری حد، قیامت۔

"خداوند تعالٰی حضور کو تا ابد الدہر سلامت و باکرامت رکھے۔" ( ١٩٠١ء، الف لیلہ، سرشار، ٣٧٧ )

١ - رہتی دنیا تک کا، قیامت تک کا، ہمیشگی والا۔

 یہ چشمۂ فیض ابدالدہر عیاں ہے اک اس کی زکواۃ آب حیات دو جہاں ہے ( ١٨٧٥ء، دبیر، دفتر ماتم، ١٥٠:٢ )

١ - ہمیشہ ہمیشہ کے لیے۔

 منت آب بقا خضر نمط میں نہ کروں زندگی عشق نے بخشی ابدالدہر مجھے ( ١٩٢٦ء، عروس الاذکار، نصیرالدین بخش، ١٦٨ )