١ - ہجرت سے سولہ سترہ ماہ بعد ایک دن نبی اکرم صلی اللہ علیہ و آلہ وسلم صحابہ کرام کے ساتھ اس مسجد میں نماز ظہر ادا کر رہے تھے کہ خدا تعالٰی کی طرف سے تحویل قبلہ کا حکم نازل ہوا، آپ صلی اللہ علیہ وسلم اس وقت تک دو رکعت نماز ادا کر چکے تھے اس حکم کے بعد آپ صلی اللہ علیہ وسلم نے اپنے مقتدیوں کے ساتھ اپنا رخ کعبے کی طرف کرکے باقی دو رکعتیں ادا کیں، اسی وجہ سے اس مسجد کو مسجد قبلتین یا ذو قبلتین یعنی دو قبلوں والی مسجد کہتے ہیں۔