مردم شماری

( مَرْدُم شُماری )
{ مَر + دُم + شُما + ری }
( فارسی )

تفصیلات

فارسی زبان سے ماخوذ اسم نیز صفت 'مردم' کے ساتھ فارسی زبان سے اسم 'شمار' کے ساتھ 'ی' بطور لاحقۂ کیفیت لگانے سے مرکب 'مردم شماری' بنا۔ اردو میں بطور اسم مستعمل ہے۔ ١٨٨٧ء کو "مکمل مجموعۂ لکچرز و اسپیچز" میں مستعمل ملتا ہے۔

اسم کیفیت ( مؤنث )
جمع   : مُرْدُم شُمارِیاں [مَر + دُم + شُما + رِیاں]
١ - ملک کے باشندوں کو گننے کا عمل، آبادی کی تعداد کا شمار یا گنتی (یہ عمل بالعموم ہر دس سال بعد کیا جاتا ہے)۔
"یہ بات تو دفتر مال کے ریکارڈ سے معلوم ہو گی اور مردم شماری کرنے والوں کو اس کا پتہ ہو گا۔"      ( ١٩٨٤ء، کیمیاگر، ٥٥ )
  • اِنْسان شُماری
  • اِنْسانی گِنْتی