فارسی زبان سے ماخوذ مرکب 'سردار' کے ساتھ 'ی' بطور لاحقۂ صفت لگانے سے مرکب بنا۔ اردو میں بطور اسم اور صفت استعمال ہوتا ہے۔ تحریراً ١٦٧٨ء سے "کلیات غواصی" میں مستعمل ملتا ہے۔
جمع غیر ندائی : سَرْدارِیوں [سَر + دا + رِیوں (و مجہول)]
١ - حاکمانہ، سردار سے متعلق یا منسوب۔
"فوج اور ادنٰی ملازمتوں کے لیے افرادی قوت کا استحصال کیا لیکن ایسا کرتے ہوئے انہوں نے یہاں کے سرداری اور جاگیر داری نظام کو نہ چھوا۔"
( ١٩٧٣ء، پاکستان کا المیہ، ٩ )