ماند

( مانْد )
{ مانْد (ن غنہ) }
( سنسکرت )

تفصیلات

سنسکرت زبان سے اردو میں داخل ہوا۔ ١٨١٨ء کو انشا کے کلیات میں مستعمل ملتا ہے۔

صفت ذاتی
١ - چمک دمک سے عاری، بے آب و تاب، بے رونق، مدھم، پھیکا، اترے ہوئے رنگ کا۔
 مہِ تمام ابھی چھت پہ کون آیا تھا کہ جس کے آگے تری روشنی بھی ماند ہوئی    ( ١٩٧٦ء، خوشبو، ٢٨٥ )
٢ - چمک دمک، آب و تاب یا حسن وغیرہ میں مقابلۃً دوسرے سے کمتر یا فروتر۔
"دونوں کی نثر کی خوبی، شاعری کی شہرت اور عظمت کے مقابلے میں ماند رہی"۔    ( ١٩٨٧ء، غالب، ٩٧:٢٠١ )
٣ - [ مجازا ]  کمزور، جوش سے خالی۔
"لڑکیو، تم سب اس کا اہتمام کرو کہ تمھاری غیرتیں اور عزتیں ماند اور مدھم نہ ہونے پائیں"۔      ( ١٨٧٣ء، بنات النعش، ٢٠٠ )
  • Faded;  dull
  • faint;  tarnished;  eclipsed