بہانہ

فارسی زبان سے اردو میں داخل ہوا، اسم جامد ہے۔ ١٦٣٨ء کو "چندر بدن و مہیار" میں مستعمل ملتا ہے۔

١ - عذر، حیلہ، ظاہرداری، دھوکا، دم، فریب۔

 ہم کو مرنا بھی میسر نہیں جینے کے بغیر موت نے عمر دو روزہ کا بہانا چاہا ( ١٩٤١ء، کلیات، فانی، ٦١ )

٢ - ڈھب، ترکیب۔

 چشم سیہ میں سرمہ دے، زلف رسا میں شانہ کر قتل جہاں کے واسطے تازہ پھر اک بہانہ کر ( ١٩٢٧ء، میخانہ الہام، شاد، ١٦٠ )

٣ - سبب، باعث، ذریعہ۔

"اس بہانے سے اکثر، ناجائز تخیلات کو عمدہ الفاظ کے پیرایے میں ادا کرنے کا اچھا موقع مل جاتا ہے"۔ ( ١٩٠٠ء، شریف زادہ، ٢٥ )