دو عربی اسما 'حالت' اور 'سکوند کے درمیان کسرۂ اضافت لگا کر مرکب بنا۔ اردو میں بطور اسم استعمال ہوتا ہے اور تحریراً سب سے پہلے ١٩٦٧ء کو "بنیادی خرد حیاتیات" میں مستعمل ملتا ہے۔
١ - ٹھہراؤ کی حالت؛ (حیاتیات) وہ زمانہ جب جراثیم کی نشوونما رک جاتی ہے۔
"جراثیمی بذرے جراثیم کی حالت سکون کو ظاہر کرتے ہیں کیونکہ اس زمانے میں ان کی تیزی خلوی تقسیم کم ہو جاتی ہے اور عمل تنفس بھی بالکل محدود ہو جاتا ہے۔"
( ١٩٦٧ء، بنیادی خرد حیاتیات، ٧٩ )