شافعی

( شافِعی )
{ شا + فِعی (کسرہ ف مجہول) }
( عربی )

تفصیلات


شفع  شافِع  شافِعی

عربی زبان سے مشتق اسم صفت 'شافع' کے ساتھ 'ی' بطور لاحقۂ کیفیت لگانے سے 'شافعی' بنا۔ اردو زبان میں بطور اسم استعمال ہوتا ہے۔ ١٥٨٢ء کو "شرح تمہیدات ہمدانی" کے حوالے سے جانم کے ہاں تحریراً مستعمل ملتا ہے۔

اسم معرفہ ( مذکر - واحد )
١ - اہل سنت و الجماعت کے چار اماموں میں سے ایک امام ابو عبداللہ محمد بن ادریس شافعی، حدیث و فقہ کے امام اور مسلک شافعہ کے بانی ہیں۔
"شافعی . جو تیسرے مہذب فقہ کے بانی تھے اہل حدیث کے گروہ میں شمار کیے جاتے ہیں۔"      ( ١٩٢٧ء، تاریخ فلسفہ اسلام، ٤٦ )
٢ - امام شافعی کے مسلک کا ہیرو، امام شافعی کے اجتہاد کے پیروی کرنے والے۔
"امام بخاری مذہباً شافعی تھے، اور بعض نے کہا وہ مجتہد تھے۔"      ( ١٩٧٦ء، مقالات کاظمی، ٢٣٧ )
٣ - امام شافعی کے مسلک کی طرف منسوب۔
"شافعی فقہ پر ہندوستان میں دو کتابیں لکھی گئی تھیں۔"      ( ١٩٥٣ء، حیات شیخ عبدالحق محدث دہلوی، ٤٥ )