اسم نکرہ ( مؤنث - واحد )
١ - شاعر کا مختصر نام جسے وہ اپنے اشعار میں اصل نام کی جگہ استعمال کرتا ہے۔
"شوکل الفاظ اور زور بیان سے مومن کے قصائد مالا مال ہیں لیکن ان کی گریز یا تخلص کمزور ہوتی ہے۔"
( ١٩٣٣ء، نقد الادب، ١٨٧ )
٢ - بچاؤ، رہائی، خلاصی، چھٹکارا، بالعموم کسی نقصان زدہ شے سے کارآمد اجزا کا نکال لینا یا حاصل کر لینا۔
(انگریزی Salvage کا ترجمہ (انگلش اردو ملٹری کلاسری، ١٠٩)
٣ - [ تصوف ] خالص کرنا یعنی قلب کو غیر سے صاف اور الگ کرنا۔
"مقام تصفیہ و تخلیص و سحق و تحلیل. قایم کی۔"
( ١٨٨١ء، رسالہ تہذیب الاخلاق، ٢٨٥:٢ )
٤ - [ کیمیا ] عمل تقطیریا اور طریقوں سے مرکب یا کثیف اشیاء کی صفائی۔
"ترشیح (Percolation) حل پذیر مادوں کو تخلیص کرنے کا عمل ہے جو ایک مایہ محلل کو سفوف شدہ مادہ کے مسام دار ستون میں سے تقطیر کرنے سے انجام دیا جاتا ہے۔"
( ١٩٤٨ء، علم الادویہ، ١٧:١ )
٥ - خالص بنانے یا چھاننے کا عمل۔
"عموماً بہت تخلیص کے بعد بھی پٹرول میں گندھک کی بہت خفیف مقدار موجود ہوتی ہے۔"
( ١٩٤٧ء، جدید معلومات سائنس، ١٣٣ )
٦ - [ سیاسیات ] بے باقی، فارغ، صفائی چھٹکارا، رہائی، (انگریزی : clearance) کا ترجمہ (اصطلاحات سیاسیات، 66)