سانگی

( سانْگی )
{ ساں + گی }
( پراکرت )

تفصیلات

پراکرت زبان سے ماخوذ ہے۔ اردو میں بطور اسم استعمال ہوتا ہے۔ تحریراً ١٩٤٧ء میں "فرحت، مضامین" میں مستعمل ملتا ہے۔

اسم نکرہ ( مذکر، مؤنث - واحد )
١ - بیل گاڑی کے آگے کا وہ حصہ جس کے دونوں طرف لکڑیاں باندھ کر جال بن دیتے ہیں تاکہ اسباب گرنے نہ پائے، گاڑی بان کے بیٹھنے کی جگہ، جُوا۔
"انہوں نے بہلی میں بیل لگائے چارہ وغیرہ سمیٹ کر سانگی میں بھرا۔"      ( ١٩٤٧ء، فرحت مضامین، ٢٧:٧ )
٢ - بیل گاڑی میں سواریوں کے بیٹھنے کا ادھر کھٹولا جو بوقت ضرورت گاڑی میں لگایا یا اس میں سے نکالا جا سکے، بہلی میں لگانے کا پردوں سے ڈھکا ہوا چوکھٹا جو پردہ نشین خواتین کے لیے لگایا جاتا ہے۔ (فیلن؛ اصطلاحات پیشہ وراں، 134:5)
٣ - بیل گاڑی کے آگے نکلے ہوئے لٹھے کے سرے پر جہاں دو بیل جوتے جاتے ہیں اس کی ڈیڑھ دو فٹ لمبی لکڑی جو بطور ٹیک لگی ہوتی ہے۔ (فیلن)
  • a support on which the pole of a cart is propped;  the coach-box (of a native vehicle);  the frame-work of a native cart (over which a covering of curtain is placed to secure privacy for women)