عربی زبان سے ماخوذ صفت 'مخالف' کے ساتھ 'انہ' بطور لاحقۂ صفت و تمیز لگانے سے بنا۔ اردو میں بطور صفت نیز متعلق فعل مستعمل ہے۔ ١٨٨٤ء کو "تحقیق الجہاد" میں تحریراً مستعمل ملتا ہے۔
١ - دشمنی پر مبنی، معاندانہ، مخالفت آمیز، مخالف کی طرح۔
"کملا کا سلوک بدستور مخالفانہ ہی رہا۔"
( ١٩٩٣ء، افکار، کراچی، جولائی، ٤٦ )
٢ - برخلاف، ناموافقانہ۔
"فطرت کے جاندار یا بے جان مخالفانہ عوامل کے خلاف نامیاتی موجودات کی وہ جدوجہد . ڈارون کی اصطلاح میں جہد بقا کہلاتی ہے۔"
( ١٩٨٥ء، کشاف تنقیدی اصطلاحات، ٦٧ )