صفت ذاتی
١ - مہر لگایا گیا، (مجازاً) آخری نبی صلی اللہ علیہ وسلم۔
محمدۖ ہیں مختوم، خاتم ہے اللہ محمدۖ ہیں مقسوم، قاسم ہے اللہ
( ١٧٩٧ء، دیوان شاہ عالم (ق) ٢٥٥ )
٢ - بند کیا ہوا، سر بہ مہر، مقفل۔
حسن مختوم خوب تھا بابا کاش حصے میں اپنے آسکتا
( ١٩٧٨ء، ابن انشاء، دل وحشی، ٥٨ )
٣ - [ طب ] لپیٹا ہوا، گِل حکمت کیا ہوا، کپڑوٹی کیا ہوا۔ (فرہنگ آصفیہ)
٤ - وہ جو ختم یا تمام ہو گیا ہو۔
اک شکل سے وہ واجب و ممکن کا ہے مقصود وصف اوس کے ہیں مختوم نہ ذات اوسکی ہے محدود
( ١٨٨٩ء، صغیر بلگرامی، میلاد معصومین، ٣٦ )
٥ - جسم کا وہ مقام جس پر پھوڑے وغیرہ کا داغ ہو۔ (مخزن الجواہر)