اسم نکرہ ( مؤنث - واحد )
١ - وہ سخت آٹا وغیرہ جس کو روٹی پکانے میں ہاتھ سے مل کر بتی کی صورت میں ہتھیلی اور انگلیوں سے چھڑاتے ہیں۔
"میں نے کروٹ مکمل کر لی تھی، وہ انگلیوں پر سے آٹے کی مروڑیاں اتارتی میرے پاس آگئی۔"
( ١٩٤٤ء، آنچل، ١٤ )
٢ - پیٹ کا پیچ، مروڑ۔
"جن دواؤں سے پیٹ میں مروڑی پیدا ہوتی ہے ان میں اجوائن ملانا چاہیے۔"
( ١٩٢٦ء، خزائن الادویہ، ٢٠:٢ )
٣ - بدن کا میل جو ہاتھ سے بل دیکر چھڑاتے ہیں۔ (نور اللغات)
٤ - بل، پیچ۔
"ساڑھیوں کی مروڑیوں پر بھی یہ بیج ہوتا تھا۔"
( ١٩٨٦ء، خان فضل الرحمان، سلک اوک ٹاؤن، ٨ )
٥ - گانٹھ۔
"شیر کی دم پر دو مروڑیاں ہیں جن کے مروڑنے سے اندر کا تار گھٹتا بڑھتا رہتا ہے۔"
( ١٩٤٦ء، شیرانی، مقالات، ٢١ )
٦ - بل کھائی ہوئی یا مڑی تڑی چیز، گنجلک، گلجھٹی، گرہ۔
"ان کے ساتھ گوند کی ایک مروڑی بھی تھی اور اس میں سے سیخ کباب کی دھلی ہوئی سیخ کی سی مدھم سے خوشبو آرہی تھی۔"
( ١٩٨١ء، سفر در سفر، ٣٩ )
٧ - چوڑی دار چیز، پیچ دار چیز (جیسے کیل وغیرہ)۔ (فرہنگ آصفیہ)