اخبار نویس

( اَخْبار نَوِیْس )
{ اَخ + بار + نَوِیْس }

تفصیلات

عربی زبان کے لفظ 'اَخْبار' کے ساتھ 'نَوِشْتَن' مصدر سے فعل امر 'نَوِیْس' لگایا گیا ہے جوکہ اردو میں بطور لاحقۂ فاعلی مستعمل ہے۔

صفت ذاتی ( واحد )
١ - روزنامے وغیرہ میں تحریر و انشا کا کام کرنے والا، ایڈیٹر یا نامہ نگار، صحافی، رپورٹر۔
"ترکی اخبار نویسوں کا جو وفد دلی آیا تھا وہ بار بار بڑے فخر سے اپنے آپ کو یورپین فیشن کہتا تھا۔"      ( ١٩٣٥ء، چند ہم عصر )
٢ - خبر رساں یا پیک جو ڈاکخانے کے نظام سے پہلے خبریں بھیجنے پر مامور ہوتا تھا، پرچہ نویس۔
"فرمان اعتراض آمیز اور احکام تہدید آمیز تمام اخبار نویسوں کو لکھے۔"      ( ١٨٩٧ء، تاریخ ہندوستان، ٣١٥:٨ )