خرد سال

( خُرْد سال )
{ خُرْد + سال }
( فارسی )

تفصیلات

فارسی زبان سے ماخوذ اسم صفت 'خرد' کے ساتھ فارسی زبان سے ماخوذ اسم'سال' ملانے سے مرکب بنا۔ اردو میں بطور صفت مستعمل ہے۔ ١٨٧٤ء میں "مراثی انیس" میں مستعمل ملتا ہے۔

صفت ذاتی ( واحد )
جمع غیر ندائی   : خُرْد سالوں [خُرْد + سا + لوں (و مجہول)]
١ - کم عمر، کم سن۔
"اعلٰی حضرت خسرو دکن کے خرد سال جگر گوشہ کی غیر متوقع سانحہ وفات پر ہوش بالگرامی نے مضامین لکھے تھے۔"      ( ١٩٤٢ء، گنج ہائے گراں مایہ، ٢١٠ )
٢ - تھوڑے عرصے کا، تازہ وجود میں آیا ہوا۔
"صوبے کی خرد سال قومی حکومت نے ہمارے کہنہ سال کالج کے اس حق کو تسلیم کر لیا جو بڑھاپے کو بچپن پر ہمیشہ حاصل رہنا ہے۔"      ( ١٩٧٥ء، تعلیم و تہذیب، ٤٣ )