سرکٹ

( سَرْکٹ )
{ سَر + کِٹ (کسرہ ک مجہول) }
( انگریزی )

تفصیلات

Circuit  سَرْکٹ

اصلاً انگریزی زبان کا لفظ ہے۔ اردو میں عربی رسم الخط کے ساتھ بطور اسم استعمال ہوتا ہے۔ تحریراً ١٩٣١ء سے "انگریزی عہد میں ہندوستان کے تمدن کی تاریخ" میں مستعمل ملتا ہے۔

اسم نکرہ ( مذکر - واحد )
١ - علاقہ، دائرہ عمل، علاقہ دورہ۔
"مسٹر ہنری. سرکٹ کے ایک جج تھے سوالات کے جواب میں صورت حال کا ایک افسوسناک مرقع کھینچا ہے۔"      ( ١٩٣١ء، انگریزی عہد میں ہندوستان کی تاریخ، ٧٢ )
٢ - ججوں کا کسی جگہ مقدمات سننے کے لیے جانا۔ (جامع اللغات)
٣ - کسی مقام کے چند برقی تنصیبات کا دائرہ کار جن میں ایک مین سوئچ یا جوائنٹ میں سوئچ کے تاروں سے برقی رو پہنچے نیز وہ پرزہ جس سے یہ سب تار متصل ہوں۔
"شکل نمبر ١٦ کو دیکھنے سے معلوم ہوگا کہ دیا ہوا سرکٹ ایک رنگین ٹیلی ویژن ٹرانسمیٹر کا ہے۔"      ( ١٩٨٥ء، رنگین ٹیلی ویژن، ٣٤ )