اسم ظرف مکاں
١ - دونوں طرف، جانبین، دائیں بائیں، آمنے سامنے۔
"ادھر ادھر تلنگے، وردیاں ڈانٹے سنگینیں چڑھاش ڈٹے کھڑے ہیں۔"
( ١٨٨٠ء، فسانۂ آزاد، ١٠٩:٢ )
٢ - ہر چہار طرف، ہر طرف، آس پاس، اردگرد۔
آثار سوگ کے نظر آئے ادھر ادھر ماتم میں تین بار بجا موت کا گجر
( ١٩٢٩ء، مطلع انوار، ١٨٢ )
٣ - مختلف غیر معین مقامات میں، یہاں وہاں، جگہ جگہ۔
"وہاں تو عورتیں بے پردہ کھلے بندوں ادھر ادھر پھرتی رہتی ہیں۔"
٤ - کسی نامعلوم مقام پر، کہیں، کسی جگہ۔
"ایک آدمی اپنا مال ادھر ادھر چھپا کر اسقل بیوس کے پاس آیا۔"
( ١٩٤٣ء، تاریخ الحکما، ٣٢ )