اسم نکرہ ( مذکر، مؤنث - واحد )
١ - وہ گول پتھر جس کو گھما کر اوزاروں پر باڑھ رکھتے ہیں، باڑھ رکھنے کا پتھر، سلی، منساں۔
"کیا دشمنی کی سان پر تیز کی تلواریں کند ہوگئی ہیں۔"
( ١٩٨٧ء، فکار، کراچی، دسمبر، ٥٢ )
٢ - دھار، باڑھ۔
برچھی میں دھار ہے نہ سروہی پر سان ہے کیا پھر مجھے خوشی کہ مرا امتحان ہے
( ١٩٤٢ء، سنگ و خشت، ٣٨٨ )
٣ - جنگلی بط کی ایک قسم۔ (نور اللغات)
٤ - ذبیحہ کے وہ اعضا جن سے کباب بناتے ہیں۔ (نور اللغات؛ مہذب اللغات)
٥ - سنسان کی تخفیف، سناٹا۔
"سارے شہر میں سان ہوگیا۔"
( ١٩٢٩ء، نور اللغات، ١٨٥:٣ )