اصلاً انگریزی زبان کا لفظ ہے۔ اردو میں انگریزی سے ماخوذ ہے اصل معنی اور اصل حالت میں عربی رسم الخط کے ساتھ بطور اسم استعمال ہوتا ہے۔ ١٩٠٧ء کو "نپولین اعظم" میں مستعمل ملتا ہے۔
جمع غیر ندائی : ڈائِرکْٹَروں [ڈا + اِرِک (کسرہ خفیفہ ر) + ٹَروں (و مجہول)]
١ - محکمہ ٹیلی فون کی وہ کتاب جس میں کسی مقام کے باشندوں وغیرہ کے نام، پتے وغیرہ درج ہوں ناموں کی مدون فہرست، ناموں کی فہرست۔
"اس نے ٹیلی فون ڈائرکٹری میں شیفر کمپنی کا نمبر تلاش کیا۔"
( ١٩٥٥ء، منٹو، سرکنڈوں کے پیچھے، ٥٠ )
٢ - کسی موضوع یا مقام کی بابت معلومات کی کتاب، ایسی کتاب جس میں مترجمین کے نام درج ہوں۔
"مترجمین کا نام ڈائرکٹری میں اشاعت کے لیے شامل کر لیا جاتا ہے۔"
( ١٩٨٦ء، مغربی ممالک میں ترجمے کے قومی اور عالمی مراکز، ١١ )
٣ - (تاریخ فرانس) پانچ حاکموں کی انقلابی جماعت عاملہ جو 1895ء سے 1899ء تک حکومت کرتی رہی۔
"نپولین نے تجویزیں قائم کیں اور جملہ کوششوں کی رہنمائی کی جس سے شاہی طرفداروں کے حوصلے پست ہو گئے اور ڈائرکٹری کی مدد ملی۔"
( ١٩٠٧ء، نپولین اعظم، ٢٤٠:١ )