کچی نیند

( کَچّی نِینْد )
{ کَچ + چی + نِینْد (ن غنہ) }
( سنسکرت )

تفصیلات

سنسکرت زبان سے ماخوذ صفت 'کچی' کے بعد اسی زبان سے ماخوذ اسم 'نیند' لانے سے مرکب توصیفی بنا جو اردو میں بطور اسم استعمال ہوتا ہے۔ تحریراً سب سے پہلے ١٨٧٣ء کو "بنات النعش" میں مستعمل ملتا ہے۔

اسم کیفیت ( مؤنث - واحد )
١ - نیند جو اچھی طرح بھری نہ ہو، جس میں ذرا سی آہٹ سے آنکھ کھل جائے، شروع کی نیند۔
"خدائے اعظم پیشانی پر بل لا کر کچی نیند میں بیدار ہو گیے۔"      ( ١٩٨٦ء، جوالامکھ۔ ٩ )