اسم نکرہ ( مذکر - واحد )
١ - بناوٹ، بنائی۔ (شبد ساگر، 3455:7)
٢ - کپڑے کی بناوٹ جو چوڑائی یا تانے میں کی جاتی ہے؛ کپڑے کی بناوٹ میں وہ تاگا جو اڑے بل تانے میں بھرا جاتا ہے۔
"اختیار حلت و حرمت میں بانے کا ہے کیونکہ فقط تانے سے وہ کپڑا نہیں کہلاتا۔"
( ١٨٦٧ء، نورالہدایہ (ترجمہ)، ٦٧:٤ )
٣ - تاگا، ریشمی تاگا جو سینے اور بننے میں کام آتا ہے۔(پلیٹس)
یہ پوچھا اس پری نے پاس آ کر کہ ہے کچھ ریشمی بانا دکان پر
( ١٨٦١ء، الف لیلہ نو منظوم، ٣٩٩:٢ )
٤ - ایک قسم کا مہین تاگا جس سے پتنگ اڑتے ہیں۔ (شبد ساگر، 3455:7)
٥ - وہ جتائی جو کھیت میں ایک بار یا پہلی بار کی جائے۔ (شبد ساگر، 3455:7)
٦ - ایک قسم کا آہنی ڈول جس سے آبپاشی کے لیے پانی نکالتے ہیں۔ (پلیٹس)
٧ - نقرئی یا طلائی زنجیر یا ریشمی ڈوری جو بانکے اور سپاہی پانو میں باندھتے ہیں؛ استعارۃً۔
"ایک راجپوت جوان پاؤں میں بانا ریشمی دھوتی باندھے بیٹھا تھا۔"
( ١٨٧٧ء، طلسم گوہر بار، ٢٣ )
٨ - ریشم کی چار قسموں میں سب سے اعلٰی قسم کا ریشم۔
"(ریشم کی) - پہلی قسم کو کورہ اور بانا بھی کہتے ہیں۔"
( ١٨٤٥ء، مجمع الفنون (ترجمہ)، ٢١٩ )
٩ - دھات کا چھلا جو کبوتر کے پاؤں میں ڈالتے ہیں۔ (نوراللغات، 550:1)