اسم کیفیت ( مؤنث - واحد )
١ - کام کا اجراء، کام چلانا، حاجت برآوری، کام نکالنا، مطلب پورا کرنا۔
"لیٹن اور گریک بقدرِ کارروائی جانتے تھے۔"
( ١٩٣٥ء، چند ہم عصر، ٣٥ )
٢ - عمل، تدبیر، اقدام (رائے یا منصوبے کے مطابق) عمل درآمد، تعمیل (اصول و احکام)
"خوف سے غازی ملک چند روز تک کوئی جنگی کارروائی نہ کر سکا۔"
( ١٩٥٣ء، تاریخ مسلمانان پاکستان و بھارت، ٢٩٩ )
٣ - (کسی واقعے کی) صورتحال، معاملہ، روئداد۔
"آپ ان پر عاشق کس طرح ہوئے اور اب یہ کارروائی ہے کس نوبت پر۔"
( ١٩٤٧ء، مضامین فرحت، ١٥١:٤ )
٤ - کام، دھندا، کاروبار۔
"ان لڑکوں کو کچھ لکھنا پڑھنا اور ضروری کارروائی کے موافق حساب کتاب آجاوے۔"
( ١٨٩٨ء، سرسید، مجموعہ لیکچرز و سپیچز، ١٨٦ )
٥ - کارگزاری، کارستانی، فعل، حرکت۔
"ہم اپنے کمرے میں بیٹھے یہ کارروائی دیکھتے رہے۔"
( ١٩٨٨ء، نشیب، ٣٤٥ )
٦ - [ قانون ] چارہ جوئی، مقدمے کی پیشی اور اسکے متعلقات، روئداد، مقدمہ، مسل۔
"خبردار اور واقف کار ہو کر کارروائی عدالت اور تحصیل کی کریں۔"
( ١٨٠٣ء، گنج خوبی )