مجری

( مَجْریٰ )
{ مَج + را }
( عربی )

تفصیلات

حری  جاری  مَجْریٰ

عربی زبان سے ماخوذ اسم ہے۔ اردو میں بطور اسم استعمال ہوتا ہے۔ سب سے پہلے ١٨٦٤ء کو "تحقیقات چشتی" میں تحریراً مستعمل ہوا۔

اسم نکرہ ( مذکر - واحد )
١ - جاری ہونے کی جگہ، ندی یا دریا کا راستہ؛ نہر، نالی؛ (اجرام فلکی کا) مدار، دائرۂ گردش۔
"بعض جزیرہ نما ندیوں. کے مجریٰ کے ساتھ ساتھ گھرے ہوئے ہیں۔"      ( ١٩٣١ء، خلاصۂ طبقات الارض ہند، ٧٠ )
٢ - سانس وغیرہ کے گزرنے کا راستہ، مثلاً حلق۔
"وہ مجری کے تنگ ہونے کی وجہ سے بہت ہی مشکل سے سانس لیتی تھی۔"      ( ١٩٤٧ء، جراحیات زہراوی، ٧٥ )
٣ - [ عروض ]  حرف روی کی حرکت، قافیے کی حرکات میں سے ایک یعنی حرف وصل سے پہلے روی کی حرکت۔
"مجریٰ: لغوی معانی جاری ہونے کی جگہ اور اصطلاح میں حرف روی کی حرکت کو مجریٰ کہتے ہیں۔"      ( ١٩٣٩ء، میزان سخن، ١٣٥ )