صفت ذاتی ( مذکر - واحد )
١ - جو لادا گیا ہو، جو اٹھایا گیا ہو، لدا ہوا، اٹھایا ہوا۔
"سرے ان کے یعنی انگلیاں باریک رکھیں تاکہ نسبت حامل کی محمول کے ساتھ اچھی رہے۔"
( ١٨٧٧ء، عجائب المخلوقات (ترجمہ)، ٤٥٩ )
٢ - گمان کیا گیا، قیاس کیا گیا، خیال کیا گیا۔
"ہماری علیحدگی کو وقت کحی ستم ظریفی پر محمول کرنا مناسب نہ ہوگا۔"
( ١٩٩٤ء، ڈاکٹر فرمان فتح پوری؛ حیات و خدمات، ٥٠٣:٢ )
٣ - خبر یہ جملے کا وہ جزو جو خبر کی تعریف میں آئے (منطق) وہ خبر جو موضوع یعنی مبتدا کے مقابل واقع ہوتی ہے۔
"دوسرے جز کو نحوی جز اور منطقی محمول کہتے ہیں۔"
( ١٩٥٩ء، مقالات ایوبی، ١٧١ )
٤ - مبنی ہونا، منحصر ہونا۔
"انسان جب کسی سے کوئی اور معاہدہ کرتا ہے تو وہ ظاہری حالات پر ہی محمول ہوتا ہے۔"
( ١٩٧٢ء، معارف القرآن، ١١٣:٥ )