عربی زبان سے ماخوذ اسم 'خلا' کے ساتھ فارسی مصدر 'نوردیدن' سے مشتق صیغہ امر 'نورد' بطور لاحقہ فاعلی ملانے سے مرکب بنا۔ اردو میں بطور اسم مستعمل ہے۔ ١٩٦٦ء میں "جنگ، کراچی" میں مستعمل ملتا ہے۔
جمع غیر ندائی : خَلا نَوَرْدوں [خَلا + نَوَر + دوں (و مجہول)]
١ - خلائی جہاز میں پرواز کحر کے زمین کی کشش ثقل کے علاقے سے اوپر خلا میں جانے یا سفر کرنے والا شخص۔
"خلا نوردوں کی صحت کا خیال رکھنا اور خلا میں ان سے رابطہ قائم رکھنا سب خلائی انجینئرنگ کا حصہ ہیں۔"
( ١٩٨٥ء، جنرل سائنس، سندھ ٹیکسٹ بک بورڈ، حیدر آباد، ١٣ )