اسم نکرہ ( مذکر - واحد )
١ - پیٹ، شکم، باہر سے نیز اندر کا وہ حصہ جس میں معدہ، جگر، تلی اور آنتیں ہیں۔
'اس وقت حضور صلی اللہ علیہ وسلم نے اپنے بطن اقدس پر پتھر باندھا۔"
( ١٩٧٣ء، قصیدۃ البردہ، ٨٥ )
٢ - رحم، بچہ دانی، وہ عضو جس میں حمل قرار پاتا ہے۔
'آپ کے بطن سے دو بیٹے چار لڑکیاں تھیں۔"
( ١٩٦٢ء، محسن اعظم و محسنین، ٣٦ )
٣ - بڑے خاندان کا چھوٹا قبیلہ۔
'میں اس قبیلے کے ایک چھوٹے بطن کا شیخ ہوں۔"
( ١٩١٩ء، جویائے حق، ١٤:٢ )
٤ - نسل، پشت، پیڑھی۔
'اس میں کچھ خلاف نہیں کہ وقف کا معلق کرنا شرط سے کئی بطنوں تک - درست ہے۔"
( ١٨٢٦ء، تہذیب الایمان )
٥ - اصل مفہوم جو کسی لفظ یا فقرے میں مضمر ہو۔
یا نبی تو فصل باب علم حق تو ہے متن قرآں کا شریح
( ١٨٠٩ء، شاہ کمال، دیوان، ١٠١ )
٦ - خیالات و افکار جو دل و دماغ میں چھپے ہوں۔
'قائل اپنے بطن کا اظہار چاہتا ہے۔"
( ١٩٦٤ء، زبان کا مطالعہ، ٢ )
٧ - [ ہیئت ] وہ ستارہ جو کوکبۂ قیطورس کے اس حصے کے وسط میں واقع ہے جو گھوڑے کی شکل سے مشابہ ہے۔
'شکم اسپ میں ستارہ ہے جس کو بطن کہتے ہیں۔"
( ١٨٧٧ء، عجائب المخلوقات (اردو)، ٦٧ )
٨ - اندر، بھیتر، اندرونی حصہ، درمیان کا حصہ۔
'یہ دراصل نشان ہیں بطن وادی میں درمیان صفا اور مروہ کے۔"
( ١٨٦٧ء، نورالہدایہ (ترجمہ)، ٢١٨:١ )
٩ - (کسی محدود حلقے کا) پیٹا، جیسے : بطن دماغ، بطن قلب وغیرہ۔
'ذو بطنین کا پچھلا بطن (پیٹا) ایک خط کے نشان سے ظاہر کیا جاتا ہے۔"
( ١٩٣٤ء، احشائیات، ٣٦٥ )
١٠ - [ نباتیات ] بیضہ کا پہلا حصہ جو پھولا ہوا ہوتا ہے۔
'بطن - پیش شاخہ کی بافت میں پورے طور پر گڑا ہوتا ہے۔"
( ١٩٤٣ء، مبادی نباتیات، ٥٩٣:٢ )