فعل متعدی
١ - طلب کرنا، مانگنا، درخواست کرنا، خواہش کرنا۔
ترے عشق کی انتہا چاہتا ہوں مری سادگی دیکھ کیا چاہتا ہوں
( ١٩٠٥ء، بانگ درا، ١٠٩ )
٢ - محبت کرنا، عشق کرنا۔
بکھری زلفیں عریاں باہیں جان سے ماریں جس کو چاہیں
( ١٩٢٥ء، نقش و نگار، ٢٤ )
٣ - پسند کرنا، حسب مرضی یا مفاد اختیار کرنا، طلب ہونا۔
زندگی چاہے تو پھر خضر کا احسان نہ اٹھا آبرو چاہے تو لے چشمۂ حیواں سے بگاڑ
( ١٩٢٦ء، افکار سلیم، ٢٣٨ )
٤ - زبان حال یا آتار وغیرہ سے کسی امر کی جانب متوجہ کرنا، مقتفٰی ہونا، ضروری خیال کرنا۔
"قیاس چاہتا ہے کہ اس کو قائم ہوئے ایک عرصہ دراز گزر چکا ہو گا"
( ١٩١٠ء، خیالات عزیز، ١٠٢ )
٥ - (اپنے ذمے) قرض رکھنا (کسی کا) مقروض ہونا۔
مرے چاہتا ہے یہ سو درم تمہیں دے دو پھر نہ کروں ستم
( ١٩٢٨ء، مرقع لیلٰی مجنوں، ٥٢ )
٦ - ضروری قرار دینا، لازم بنانا۔
"ایک نبی کا دوسرے نبی کی شریعت پر عمل کرنا اس بات کو نہیں چاہتا کہ وہ نبی اس نبی کا امتی ہو جائے۔"
( ١٩٨٢ء، ختم نبوت، ٣٧ )