سنسکرت زبان میں اصل لفظ 'ارک' ہے لیکن اس سے ماخوذ اردو مستعمل 'آک' ہے۔ فارسی زبان میں بھی 'آک' ہی مستعمل ہے۔ قرین قیاس ہے کہ فارسی میں بھی سنسکرت ہی سے داخل ہوا ہے۔ اردو میں سب سے پہلے ١٧٤٦ء میں "قصہ مہر افروز و دلبر" میں مستعمل ملتا ہے۔
١ - ایک جنگلی پودا جو کھرسا میں سرسبز اور برسات میں مرجھایا ہوا رہتا ہے۔ (اس کی پتی اور شاخ کو توڑنے سے دودھ نکلتا ہے جو نری رنگنے اور دواؤں اور کشتہ جات میں کام آتا ہے۔ اس میں اول پھول آتے ہیں، پھر ڈوڈے لگتے ہیں جن کے اندر روئی سی بھری ہوتی ہے)۔ مدار، اکوا۔
"اگر بیض خانے کے پتے علیحدہ علیحدہ رہیں تو اس حالت کو انمل پھل . کہتے ہیں مثلاً "سدا بہار آک"۔
( ١٩٦٢ء، مبادی نباتیات، ١٣٨ )