فارسی زبان میں مصدر 'آموختن' سے علامت مصدر 'ن' گرا کر 'ہ' بطور لاحقۂ حالیہ تمام لگانے سے 'آموختہ' بنا۔ فارسی میں صیغہ حالیہ تمام ہے اور اردو میں بطور اسم صفت اور گاہے بطور اسم بھی مستعمل ہے۔ سب سے پہلے ١٦٤٩ء میں "خاورنامہ" میں مستعمل ملتا ہے۔
جمع غیر ندائی : آموخْتوں [آ + موخ (واؤ مجہول) + توں (واؤ مجہول)]
١ - پڑھا ہوا پچھلا سبق۔
"مگر یہ نام اب اس طرح منہ سے نکلتے ہیں جس طرح کند ذہن لڑکے کے منہ سے بھولے ہوئے آموختہ کی لفظیں تھم تھم کے اٹک اٹک کے۔"
( ١٩٣١ء، رسوا، اختری بیگم، ٢٠ )