فعل لازم
١ - آگ پکڑنا، آہستہ آہستہ جانا، دھواں دیتے ہوئے جلنا۔
"یہ الفاظ جیسے رضیہ کی پیشانی پر چسپاں ہو کر رہ گئے تھے اور مسلسل سلگ رہے تھے۔"
( ١٩٨٣ء، ساتواں چراغ، ٢٦ )
٢ - غم یا غصہ میں اندر ہی اندر کڑھنا۔
"وہ صرف سلگنا جانتا ہے۔"
( ١٩٨٤ء، اوکھے لوگ، ١٩٤ )
٣ - حقہ، سگریٹ وغیرہ کا جلنا یا پینے کے قابل ہونا۔
"تم اتنے پان وان کھاؤ . اپلوں میں آگ لگ جائے حقہ جوگی سلگ جائے۔"
( ١٩٠١ء، راقم، عقد ثریا، ٧٤ )
٤ - رشک یا حسد کرنا، کسی سے جلنا۔
خورشید وہاں ہم نے سلگتے ہوئے دیکھا کرنوں کا جس آشوب میں بیوپار چلے ہے
( ١٩٦٧ء، شہر درد، ٢٠ )
٥ - بہت بے چین ہونا، مضطرب رہنا، تڑپنا۔
"ان لوگوں سے بھی ملاہوں جو محبت کی آگ میں سلگتے رہتے ہیں۔"
( ١٩٨١ء، سفر در سفر، ٣٧ )
٦ - [ کنایۃ ] روشن ہونا، نکھرنا۔
"سانچے موسمی جڑے سرخ سرخ بلاؤز میں اس کا سراپا سلگ اٹھا۔"
( ١٩٨٧ء، ساتواں پھیرا، ٧ )