فعل متعدی
١ - کسی فعل یا عمل سے باز رکھنا، منع کرنا۔
"گھروں سے جلا وطن کر دیا تھا اور خانہ کعبہ کے حج سے بھی روک دیا تھا۔"
( ١٩١٢ء، مقدمہ تحقیق الجہاد، ٧ )
٢ - راستہ روکنا، مزاحمت کرنا، رستہ میں پکڑ لینا۔
ان میں وفا ہو یا نہ ہو میں یہ کہوں گی ہے ضرور ہاں یہ کہوں گی راہ کو روکے ہے کوئی شے ضرور
( ١٩٢٥ء، شوق قدوائی، عالم خیال، ١٥ )
٣ - حفاظت کرنا، بچاؤ کرنا، وار بچانا۔
پانی پہ چوکیاں ستم آرا بٹھاتے ہیں دریا کے گھاٹ برچھیوں سے روکے جاتے ہیں
( ١٨٧٤ء، انیس، مراثی )
٤ - پردہ کرنا، آڑ کرنا، احاطہ، ٹٹی لگانا، باڑ لگانا۔
"غمگیرہ چشم کے آگے حیرت کی قنات روک بیخود کے سرایچے اس پرزہ گرد پر درد کو وحشت کے سلامت کوچے میں چھوڑ دو۔"
( ١٨١٤ء، نورتن، ٨ )
٥ - جانے نہ دینا، ٹھہرانا۔
"جب یہ فصل نکل جائے تو چلے جانا پھر میں روکوں تو گنہ گار۔"
( ١٨٩٠ء، فسانۂ دلفریب، ٥٢ )
٦ - چلتی یا حرکت کرتی ہوئی چیز کو ٹھہرانا، حرکت نہ کرنے دینا۔
ڈالے جاتے ہیں بجلیوں پہ حجاب روکی جاتی ہے آندھیوں کی عناں
( ١٩٥٨ء، تارِ پیراہن، ٤٠ )
٧ - منع کرنا، بات کاٹنا۔
"اچھا ہوا تجھے راجا نے مارا کیوں کہ تونے شروع میں مجھے رانی کی کارستانیاں بتانے سے روکا تھا۔"
( ١٩٦٢ء، حکایات پنجاب (ترجمہ)، ٧٣:١ )
٨ - چھیڑنا، ہنسی کرنا، راستہ میں کسی کی عورت کو پکڑنا۔ (نوراللغات: فرہنگِ آصفیہ؛ جامع اللغات)
٩ - (بات کے ساتھ مستعمل) نسبت کرنا، ٹھہرانا، منگنی کرنا، سگائی کرنا۔
"بات روکنا یعنی کسی کی نسبت یا شادی مقرر کرنا۔"
( ١٨٨٨ء، فرہنگِ آصفیہ، ٣٨٥:٢ )
١٠ - معاملہ قابو سے نہ جانے دینا۔ (نوراللغات؛ فرہنگِ آصفیہ)
١١ - گھیرلینا، قبضہ کرنا۔
"جہاز میں سیٹ روکی گئی جہاں آراء کو اطلاع دی گئی اور میں لاہور کی طرف اڑ گئی۔"
( ١٩٦٨ء، فنون، لاہور، اپریل، ٧٩ )
١٢ - سنبھالنا، تھامنا گرتی ہوئی چیز کو۔
"شہتیر گرا تھا تم نے روک لیا۔"
( ١٩٢٩ء، نوراللغات، ١٠٦:٣ )
١٣ - داب رکھنا، نہ دینا۔ (فرہنگ آصفیہ)
١٤ - کسی چیز کو بکری یا کرائے سے روک رکھنا یا تھامنا۔ (فرہنگ آصیفہ)
١٥ - [ متعلق فعل ] چھپانا، ڈھانکنا، محفی کرنا، پردہ ڈالنا۔
١٦ - بند باندھنا، بہاؤ کی بندش کرنا۔
پیر ظلمات کھڑا دیکھتا منہ تکتا ہے سیلِ انوار کہیں روکنے سے رکتا ہے
( ١٩٦٢ء، ہفت کشور، ١٨٩ )
١٧ - (کسی عمل کو کچھ دیر کے لیے) موقوف کرنا، عارضی طور پر روکنا۔
کس بات کی ہے دیر جو روکا ہے چھری کو اب کیا ہے جو ظالم دمِ تکبیر ہے خاموش
( ١٨٧٠ء، شرف (آغا حجو)،د، ١٢٩ )
١٨ - بندش لگانا۔
"ہزارہا ساحراں شوالوں پر پوجا کر رہے ہیں صدائے سامری و جمشیدی بلند ہے تو عقل سے عمرو نے دریافت کیا کہ اس مقام کو کسی ساحر نے روکا ہے۔"
( ١٨٩٦ء، طلسم ہوشربا، ٤:٧ )
١٩ - بچاؤ کرنا، حفاظتی تدبیر کرنا۔
"دستوں کے بعد بخار کم کرنے اور باری روکنے کی دوائیں دینی شروع کر دیتے ہیں۔"
( ١٩٣٣ء، بخاروں کا اصولِ علاج، ٨٧ )