صفت ذاتی ( مذکر - واحد )
١ - علم ادب و لغت کا عالم، لغوی، زباں داں، نظم و نثر اور ان کے متعلقات کا ماہر۔
"ان کے والد اور دادا دونوں فارسی اور اردو کے پرگو شاعر اور ادیب تھے۔"
( ١٩٧٤ء، اردو نصاب لازمی (بارہویں جماعت کے لیے) ١٣٢ )
٢ - معلم، استاد اور اتالیق، ادب اور تہذیب سکھانے والا۔
"داد بھائی کا رتبہ ایک ادیب کا ہے جو . فرمانروایانِ ملک کو بھی سبق دے سکتے ہیں۔"
( ١٩١٧ء، گوکھلے کی تقریریں، ٢٣٧ )
٣ - انشا پرداز، ادبی مضامین اور مقالے لکھنے والا، نثرنگار۔
"یہ آج کل وہ مروج طرز نقد ہے جس میں ناقد، ادیب و شاعر سے بے نیاز ہو کر تقریباً اپنی طرف متوجہ رہتا ہے۔"
( ١٩٣٢ء، سیف و سبو (مقدمہ)، ٧ )
٤ - [ تصوف ] عارفِ ربانی۔ (مصباح التعرف لارباب التصوف، 29)