سنسکرت زبان سے ماخوذ اسم صفت 'کالی' بطور صفت کے بعد اردو اسم 'جمعرات' بطور موصوف ملنے سے مرکب توصیفی بنا۔ اردو میں بطور اسم استعمال ہوتا ہے۔ سب سے پہلے ١٩٢٤ء کو "اودھ پنچ" میں مستعمل ملتا ہے۔
١ - کوئی فرضی دن، وہ دن جو کبھی نہ آئے، مزاحاً ایسے موقع پر بولتے ہیں، جب کسی دن کا تعین کرنا مقصود نہ ہو یا کسی بات کو غیر معینہ وقت تک ٹالنا ہو۔
"کالی جمعرات کو جب بندہ کا پرچہ اور ملک کا خادم نازل ہو گا تو ہم بھی معاوضے میں جناب کا اشتہار چھاپنے . سے دریغ نہ کریں گے۔"
( ١٩٢٤ء، اودھ پنچ، لکھنؤ، ٩، ٩:٣٧ )