 یہ کس حسرت زدہ کے قتل پر خنجر سنبھلتا ہے کہ آنسو ڈبڈباتے ہیں ابھی سے چشم جوہر میں      ( ١٨٩٩ء، دیوانِ ظہیر، ١٣٣ )

"قحط کے اثروں سے خلقت نے بتدریج سنبھلنا شروع کیا تھا۔"      ( ١٩٠٧ء، کرزن نامہ، ٩ )

 یہ کس راہِ مشکل پہ ہم چل رہے ہیں پھسلنا بھی مشکل سنبھلنا بھی مشکل      ( ١٩٨٧ء، رئیس امروہوی (جنگ، کراچی، ١١ اگست، ٣) )

 ہاں التفاتِ یار سے بیمار جاں بلب اچھا تو کیا ہوا ہے مگر کچھ سنبھل گیا      ( ١٨٦٥ء، نسیم دہلوی، دیوان، ١٠٣ )

 مگر زور مستی سے چلتا نہیں ہوا میں دوپٹہ سنبھلتا نہیں      ( ١٩٣٢ء، بے نظیر، کلام بے نظیر، ٣٣٣ )

"میرے پر جوش وعظ کے اثرات سے سنبھلنے کے بعد وہ مجھ سے کہنے لگے کہ تم اس کتاب کو جسے میں نے ابھی ختم کیا ہے، پڑھو۔"      ( ١٩٨٥ء، حیاتِ جوہر، ١٢١ )

"انہوں نے قدم قدم پر ایسی ٹھوکریں کھائی ہیں جن کے سنبھلنے کی کوشش تو وہ کرتے ہیں۔"      ( ١٩٨٧ء، جنگ، کراچی، ٢٨ اگست، ١١ )

"باپ کے الفاظ سن کے . پھوٹ پھوٹ کے رونے لگی . وہ کچھ اس درجہ نا امید ہو گئی تھی، کہ کسی طرح نہ سنبھلی۔"      ( ١٩٠٨ء، صبحِ زندگی، ٢٢٠ )

"لاکھ سنبھلنے کی کوشش کرتا مگر دل اندر سے پھٹا جاتا تھا۔"      ( ١٩١٩ء، جوہرِ قدامت، ١٧٠ )

"آٹھ سیارے یعنی مریخ، زحل، عطارد وغیرہ کششِ آفتاب سے سنبھلے ہوئے اپنے مقام پر اس قضائے لامحدود میں گردش کر رہے ہیں۔"      ( ١٩٢١ء، القمر، ٢٢ )