علم جفر

( عِلْمِ جَفْر )
{ عِل + مے + جَفْر }
( عربی )

تفصیلات

عربی زبان سے مشتق اسم 'علم' کے آخر پر کسرۂ اضافت لگانے کے بعد عربی ہی سے اسم 'جفر' لگا کر مرکب بنا۔ اردو میں بطور اسم استعمال ہوتا ہے اور سب سے پہلے ١٩١٦ء کو "اقبال نامہ" میں مستعمل ملتا ہے۔

اسم نکرہ ( مذکر - واحد )
١ - غیبی حالات سے آگاہ ہونے کا علم، وہ علم جس میں حروف و اعداد کے ذریعے سے احوال غیب دریافت کرتے ہیں۔
"قدیم کتابوں میں کیمیا، نیر نجات، علم جفر، رمل اور قصص و اخبار کو بھی فنون میں شامل کیا گیا ہے۔"      ( ١٩٦٥ء، مباحث، ڈاکٹر سید عبداللہ، ٣٣١ )