اسم نکرہ ( مذکر - واحد )
١ - سنگ دل، شقی القلب۔ (سرمایہ زبان اردو)
٢ - پتھر، سخت اور ٹھوس چیز، بند۔
"تالاب کے کٹے یا بند عموماً دو قسم کے ہوتے ہیں ایک مٹی کا اور دوسرا چونے یا پتھر یا سیمنٹ کا۔"
( ١٩٤٤ء، مخزن علوم و فنون، ١٦ )
٣ - گٹا
"خدا کے سامنے . بڑی بڑی ڈاڑھی والوں اور پیشانی پر رگڑ کر کٹا ڈالنے والوں . اس کا سوال ہو گا۔"
( ١٨٨٤ء، مکمل مجموعہ لیکچرزو اسپیچز، ٢٨٧ )
٤ - ایک مرض کٹّا ہے جو منھ کے اندر زبان میں زخم پڑ جاتا ہے اور جانور کو بہت تکلیف ہوتی ہے۔ (محب المواشی، 26)
٥ - تنکوں یا پھوس وغیرہ کا مجموعہ جو ہاتھ میں آسکے، مٹھا، گٹھا۔
"بازو پر دونوں طرف پروں کا کٹا بندھا ہوتا ہے۔"
( ١٩٧٠ء، اردو نامہ، کراچی، ٣٩:٣٠ )
٦ - پانی روکنے کا بند (جو دریا وغیرہ میں باندھتے ہیں)۔
"اس تالاب کے کٹا یعنی بند کا عرض پچاس گز ہے۔"
( ١٨٨٩ء، حسن، جنوری، ٤٧ )
٧ - آدھی بوری، چھوٹی بوری۔ (مہذب اللغات)
٨ - بھینس کا نر بچہ، کٹڑا۔
"٢١ دن کے بعد کٹے یا بچھڑے کو آدھی چھٹانک کمیلا دودھ یا لسی میں ملا کر پلا دیا جائے۔"
( ١٩٦٧ء، مویشیوں کے امور، ٩٢ )