ہندی سے ماخوذ اسم 'ماپ' کے ساتھ 'نا' بطور لاحقۂ مصدر لگانے سے بنا۔ اردو میں بطور فعل متعدی استعمال ہوتا ہے اور سب سے پہلے ١٧٦٩ء کو "آخرِگشت" میں مستعمل ملتا ہے۔
١ - پیمائش کرنا، لمبائی چوڑائی کا تخمینہ کرنا، ناپنا۔
"وہ تخت پر بیٹھی بڑے انہماک سے ایک بلاؤز کی آستین ماپنے میں جُٹی تھیں۔"
( ١٩٩٠ء، چاندنی بیگم، ١٠٦ )
٢ - [ مجازا ] اندازہ کرنا، چانچ کرنا۔
"مسلمانوں نے جو تاریخیں اپنے شوق مذاق کے موافق لکھی ہیں ان کو مغربی مذاق کے پیمانے سے ماپ کر پایۂ اعتبار سے ساقط کرنا ستم ہے۔"
( ١٨٨٠ء، تاریخ ہندوستان، ٣٦:١ )