بیگار

فارسی زبان سے ماخوذ اسم ہے۔ اردو میں بطور اسم اور صفت استعمال ہوتا ہے۔ ١٨١٠ء کو "کلیات میر"میں مستعمل ملتا ہے۔

١ - بلا اجرت کام کرنے والا۔

 بیگار بھی درکار ہیں سرکار میں صاحب آتے ہیں کنچھے ہم کبھی بیگار میں صاحب ( ١٨١٠ء، کلیات میر، ٦٧٣ )

١ - بلا اجرت کام (جو محکوم یا رعایا سے دباؤ میں یا اس کی کسی مثلاً گاڑی وغیرہ سے لیا جائے)۔

 لیے جاتے ہیں بار عشق ہم مجبور دنیا سے ارے یار و زبردستی کی یہ بیگار کیسی ہے ( ١٩٠٥ء، یاد گار داغ، ٨٨ )