فلیپ

( فَلَیپ )
{ فَلَیپ (ی لین) }
( انگریزی )

تفصیلات

flap  فَلَیپ

انگریزی زبان سے دخیل اسم ہے جو اردو میں اپنے اصل مفہوم کے ساتھ عربی رسم الخط میں بطور اسم ہی استعمال ہوتا ہے۔ ١٩٢٦ء کو "طلیعہ" میں تحریراً مستعمل ملتا ہے۔

اسم نکرہ ( مذکر - واحد )
جمع استثنائی   : فَلَیپَس [فَلَیپَس (ی لین)]
جمع غیر ندائی   : فَلَیپوں [فَلَے (ی لین) + پوں (و مجہول)]
١ - کتاب کا گرد پوش یا سرورق یا اس کا کوئی جزو۔
"کتاب کے فلیپ پر ان کے بارے میں جو کچھ لکھا ہے. میں ان دونوں کی تائید کرتا ہوں۔"      ( ١٩٨٩ء، قومی زبان، کراچی، مارچ، ٥٠ )
٢ - کپڑے کی پٹی جو تمغہ وغیرہ لگانے کے لیے کندھوں پر لگائی جاتی ہے، کسی چیز کا چوڑا اور چپٹا لٹکتا ہوا ٹکڑا جو صرف ایک طرف سے ٹکا ہوا ہو۔
"ان کی قمیض میں کندھے پر فلیپ نہیں ہوتا۔"      ( ١٩٢٦ء، طلیعہ، ٩ )
٣ - خیمے کا پردہ
"شیام نے خیمے کے فلیپ کو رسی باندھتے ہوئے پوچھا۔"      ( ١٩٤٢ء، شکست، ٤٦ )