١ - [ لفظا ]  کھینچا گیا، جذب کیا گیا؛ مراد: محبت الٰہی میں مدہوش، یادالٰہی میں غرق، صاحب جذب؛ (خدا کے عشق میں) مست و بے خبر، حواس گم کردہ، خدا کی یاد میں ایسا ڈوبا ہوا کہ اسے دنیا کی باتوں کا ہوش باقی نہیں رہے اسی لیے محض دنیا والوں کے نزدیک مخبوط الحواس، فضل و توفیق الٰہی کی جانب کھینچا ہوا۔

٢ - فقیروں کی ایک قسم یہ لوگ اکثر بے سرو یا باتیں کیا کرتے ہیں۔

٣ - مجنوں، پاگل، دیوانہ، سٹری۔

٤ - جس کو کشش سے کھینچا جائے، کھینچا گیا، جذب کردہ۔

٥ - [ تصوف ]  جو ایک شے کی ماہیت میں گم ہووے اور ترقی اور نہ کر ے اور اس کی لذت میں محو ہووے اور بعض صوفیہ کہتے ہیں کہ مجذوب وہ سالک ہے جس کو حق تعالٰی نے اپنے نفس کے لیے پیدا کیا ہے اور پسند کیا اس کو اپنی انسیت کے لیے اور پاک کیا اس کو کدوراتِ غیرت سے، پس جمع کیا اس نے جمیع نعماد اور مواہب الٰہیہ کو اور فائز ہوا وہ تمامی مقامات پر بلا کلفت و تعب مجاہدات کے۔ (مصباح التعرف)۔

٦ - دماغی صلاحیتوں سے ایک خاص درجۂ ادراک تک پہنچا ہو لیکن جس کی حقیقت کبریٰ تک رسائی نہ ہو۔