اردو لغت - Urdu Lughat

عربی زبان میں ثلاثی مجرد کے باب سے مشتق اسم صفت ہے اردو میں بطور صفت نیز اسم مستعمل ہے۔ سب سے پہلے ١٨٦٧ء کو "نورالہدایہ" میں مستعمل ملتا ہے۔

١ - انگیا کی کٹوری، انگیا، عورتوں کا سینہ بند، چھوٹا کپڑا۔

"محرم . اردو میں یہ لفظ انگیا کے معنوں میں بھی بولا جاتا ہے جسے عورتیں چھوٹا کپڑا کہتی ہیں۔" ( ١٩٨٨ء، اردو، کراچی، جولائی تا ستمبر، ٤٠ )

جمع غیر ندائی : مَحْرَموں [مَح (فتحہ م مجہول) + رَموں (و مجہول)]

١ - حرام کیا گیا، ممنوع۔ (جامع اللغات)۔

٢ - وہ مرد جس سے شادی جائز نہ ہو جیسے باپ، بھائی، چچا، تایا، خالو نانا، دادا وغیرہ، وہ شخص جس سے پردہ جائز نہ ہو جیسے خاوند۔

"خواتین کے ساتھ ان کے محرم مرد بھی وہاں پہنچ کر موصوفہ سے ذاتی و اجتماعی دلچسپی کی بہت سی باتیں کرتے۔" ( ١٩٨٧ء، فکر اسلامی کی تشکیل نو، ٢٢ )

٣ - ہم راز، راز دار، واقف، روشناس، صورت آشنا۔

"دقیق تجزیاتی تحقیق . ہستی کے ادراک کا کوئی امکان نظر نہیں آتا اس ہستی کا "محرم" کوئی نہیں ہے۔" ( ١٩٨٩ء، میر تقی میر اور آج کا ذوق شعری، ٢٨٩ )