اردو لغت - Urdu Lughat

عربی زبان میں ثلاثی مجرد کے باب سے اسم فاعل ہے۔ اردو میں مستعمل ہے۔ ١٦٣٨ء کو "چندر بدن و مہیار" میں مستعمل ملتا ہے۔

١ - پاس، نزدیک۔

 وہ کہ صحرا سے جنھیں دور کی بھی نسبت نہیں گھر بنانے چلے آئے ہیں مرے گھر کے قریب ( ١٩٨٨ء، آنگن میں سمندر، ١٣٣ )

٢ - لگ بھگ، تقریباً۔

"کہیں ایک بجے کے قریب بھاوج کو سمجھا بجھا کر ساتھ لے کر آئی"۔ ( ١٩٠٨ء، صبح زندگی، ٩٨ )

١ - نزدیک کا رشتہ دار یا پڑوسی۔

 قریبوں کے لیے اہل سخا بھی بخل کرتے ہیں کبھی سیراب کرتا ہے کوئی دریا کنارے کو ( ١٨٩٦ء، تجلیات عشق، ٢٣٧ )

٢ - [ عروض ] ایک بحر کا نام جس کی اصل مفاعیلن مفاعیلن فاعلاتن دوبار ہے۔

"عروضی نیشاپوری نے سترھویں بحر قریب نکالی"۔ ( ١٨٤٩ء، تقویت الشعراء، ٥ )

٣ - [ منطق ] قریب وہ جنس ہے جو اپنے ہر فرد کے جواب میں محمول ہو، جیسے : حیوان۔