ثقاہت

( ثِقاہَت )
{ ثِقا + ہَت }
( عربی )

تفصیلات

ثقہ  ثِقاہَت

عربی زبان میں ثلاثی مجرد کے باب سے مشتق اسم ہے اردو میں عربی سے ماخوذ ہے اور اصلی حالت اور اصلی معنی میں ہی بطور اسم مستعمل ہے۔ ١٨٨٨ء میں "لیکچروں کا مجموعہ" میں مستعمل ملتا ہے۔

اسم کیفیت ( مؤنث - واحد )
جمع   : ثِقاہَتیں [ثِقا + ہَتیں (یائے مجہول)]
جمع غیر ندائی   : ثِقاہَتوں [ثِقا + ہَتوں (واؤ مجہول)]
١ - سنجیدگی، متافت، بھاری بھرکم پن، وضع قطع وغیرہ کی وہ کیفیت جس سے بزرگی اور وقار ظاہر ہو۔
"پچاس برس کا سن رسیدہ شخص بیٹھا ہوا ہے جس کی . ثقاہت کی وضح سے معلوم ہوتا ہے کہ ذی علم اور محترم شخص ہے"      ( ١٩١٤ء، حسن کا ڈاکو، ١٥:١ )
٢ - [ حدیث ]  "راوی کی سیرت میں ان شرطوں کا پیایا جانا جو اس کا بیان معتبر ہونے کے لیے ضروری ہیں۔"
"ابن سعد اور ابو داؤد نے ان کی ثقاہت کی شہادت دی ہے اسی لیے محدثین کا فیصلہ ان کے حق میں ہے"      ( ١٩٢٣ء، سیرۃ النبیۖ، ٣٧٩:٣ )
  • سَنْجِیْدَگی