اسم نکرہ ( مذکر - واحد )
١ - جسم میں موجود دو غدود نما اندرونی اعضاء میں سے کوئی ایک جو پیٹ کے پچھلے حصے کے جوف میں واقع ہوتے ہیں، دونوں گردوں کا کام جگر سے وریدوں کے ذریعے مائیت کو جذب کرنا اور پیشاب کو مثانے میں بھیجنا ہوتا ہے، کلیہ۔
"خراب خون گردوں سے چھن کر صاف ہو جاتا ہے۔"
( ١٩٨١ء، متوازن غذا، ٢٨ )
٢ - [ مجازا ] جرأت، حوصلہ، دلیری، بہادری، ہمت، دل گردہ۔
"مرد جب تک شہ نہ دے عورت کا اتنا گردہ ہو ہی نہیں سکتا۔"
( ١٩٣٥ء، دودھ کی قیمت، ١٦٠ )
٣ - ایک قسم کی چھوٹی توپ، زنبور۔ (ماخوذ : فرہنگ آصفیہ)
٤ - کلمہ تنفر جو کسی بات کے جواب میں عورتیں زبان پر لاتی ہیں جیسے : تیراگردہ، تیرا کلیجہ، تیرا سر وغیرہ۔ (فرہنگ آصفیہ، علمی اردو لغت)
٥ - ایک قسم کا کفگیر۔ (ماخوذ : فرہنگ آصفیہ، علمی اردو لغت)