گھبرانا

سنسکرت زبان میں 'گہور' سے ماخوذ 'گھبرانا' اردو میں عربی رسم الخط کے ساتھ بطور فعل مستعمل ہے۔ ١٧٣٢ء کو "کربل کتھا" میں مستعمل ملتا ہے۔

١ - مضطرب ہونا، بدحواس ہونا، بوکھلانا، پریشان ہونا، ڈر جانا۔

"رینا خواہ مخواہ ہی گھبرانے لگی۔" ( ١٩٨٥ء، کچھ دیر پہلے نیند سے، ٧٠ )

٢ - خفقان ہونا۔ (ماخوذ : فرہنگ آصفیہ، جامع اللغات)۔

٣ - عاجز اور بیچارہ ہونا۔ (ماخوذ : فرہنگ آصفیہ، جامع اللغات)

٤ - اچاٹ ہونا، دل برداشتہ ہونا۔

"شاہی دربار میں اپنی نوکروں جیسی حیثیت سے گھبرا کر پشکن نے احتیاط کا دامن چھوڑ دیا۔" ( ١٩٩٢ء، صحیفہ، لاہور، اپریل، جون، ٦٧ )

١ - حواس باختہ کرنا، بوکھلا دینا، سراسیمہ کرنا، پریشان کرنا، ڈرا دینا۔

 مجھ کو گھبرانے میں کچھ ان کو مزا آتا ہے ریل کا وقت نہیں ہے کہ رہا جاتا ہے ( ١٩٥٨ء، تارپیراہن، ١٩٥ )